يماااااااااا
من غير انتيا شكون يحبلي صلاحي
ولا يحس بيا لما تجيني ضربة
شكون في هذي الدنيا المن روحوا
ينحي
ويمد لي ليا بلا حتى حساب
شكون يفكر فيا في ليلي وصباحي
ويوقف معايا في الشدات
شكون اللي بيا يتكسروا جناحي
من غيرك .............يايما لحبيبة
انتيا يايما اللي عمرك ماتريحي
منهار نزيد وانتي متعذبة
تسع شهور وانتي تنوضي وتطيحي
وتباتي علاجا لي ليل كامل
معذبة
رافدتني وصابرة حتى نهار تروحي
باش توضعيني خايفة وحابة
ولما تسمعيني نبكي تفرحي
وتنساي
لولادة اللي كانت صعيبة
تحطيني في صدرك وتبداي دوحي
ومن صدرك تشربيني أول وجبة
حليبك يايما نونس بيه روحي
ونسكت ونريح ودمعتي تتخبى
نسكت غير شويه باه انتيا تريحي
وتزيدي تفرحي لما يدخل بابا
يشدني ويرفدني ويقول يافرحي
نحمد الله على هذي الهيبة
يذلني في أذني يغرس في روحي
دين الإسلام ودين المحبة
الدين اللي علمني علاجا لكم
نضحي
وتكوني يايما الأولى فالصحبة
انتيا يايما اللي تحسي بجراحي
لما نكون بعيد وتصرا لي مصيبة
مانعرف كيفاش ولامنين تستوحي
كيفاش حسيتي وماكنتيش قريبة
علاش يايما بروحك تضحي
وتتحرمي علاجا لي من كل حاجة شابة
قولي لي علاش تنوضي وتطيحي
ومعايا توقفي في كل مناسبة
علاش لما نفرح انتيا تفرحي
وتحزني كي نحزن قولي لي واش من
سبة
قولي لي علاش تحلمي بنجاحي
وتحبي تشوفيني في أعلى مرتبة
وعلاش انتيا ديما تتصارحي
في أمور الحب والزواج والخطبة
وعلاش انتي اللي بيناتنا تصلحي
فالدار باش نكو نوا ديما في
رحبة
وعلاش يايما تخبيلي صوالحي
وسراري عندك كامل تتخبى
قولي لي علاش تنقي وتمسحي
وما نسمع من عندك غير الكلمة
الشابة
وعلاش أنا ساعات ننسى روحي
نغلط معاك وتكوني غاضبة
تم تم في حقك تسمحي
وغير نولي ليك تقولي لي مرحبا
مافهمتش علاش تنقي وتصلحي
وأنا نلقا ديما كل حاجة طايبة
وكي نجي نرقد نلقا مطرحي
مفرش وخزانتي مرتبة
لوكان نهار واحد تروحي
غير نهار برك تكوني غايبة
نتوحشك بزاف ونولي نحس روحي
داخل الدار عايش في غربة
الدار مقلبة مانلقاش صوالحي
الماكلة باردة والخزانة مخربة
لتما باذات نجاوب روحي
وعلاش الأم أولى بالصحبة
ادعي لي يايما دعواتك مصباحي
كي نمشي في الليل في وسط
الغابة
ادعي لي يايما دعواتك سلاحي
كي نلقا روحي في وسط الذيابا
ادعي لي يايما وبدعواتك افتحي
أبواب السموات ودعوتك راهي
مستجابة
ومادامك حية نحفظلك جناحي
وندير لك يايما واش راكي حابة
ويلا متي وأنت بقيت حي
ندعيلك بالرحمة .......ليك ولبابا.
موضوع: الام اولى بالصحبة 
الخميس ديسمبر 24, 2009 6:58 am
الدردشة|منتديات بسمة امل