منتدى بسمـة امــــــــل


لســنــــا آلأفــضل ولــكن . . لنــــا أســـلوبــنـــا الخـــاص
 
الرئيسيةمكتبة الصوراليوميةس .و .جبحـثالتسجيلدخول

 اهــــلا وسهـــلا بكــــم فـــي منتـــدى بسمة امــــل * لا بد لشعلة الامل ان تضيء ظلمات اليأس ولا بد لشجرة الصبر ان تطرح ثمار الامل *


شاطر | 
 

 علامات القيامــــة منقول من قصائد فيصل كروش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zekri



ذكر

العمل/الترفيه : الكتابة

تاريخ التسجيل : 10/07/2014

نقاط : 7

عدد المساهمات : 5


مُساهمةموضوع: علامات القيامــــة منقول من قصائد فيصل كروش   السبت يوليو 12, 2014 8:07 pm

باسمـــــك يا خالـــق مئة رحـمــة تسعة و تسعين ليوم الحساب
و رحمــــة وحـدة راهي مقسومة بينـــــاتنا كامل حنا و الدواب
يامــن فضلتــــنا على كل امــــــة بـــآخر دين و بــــــآخر كتاب
و بآخــر نبـــي نبـي الرحمــــــــة صلوا وسلموا عليه يالحباب
خلاص النـاس كامل راهي عالمة بلي الاسلام هو دين الصواب
ودّوا الكفـــــار لو كــــــانوا كيما حنا مسلمين آه يا من صـاب
لكن و لاكن ديما هـادي الكلمــــة تبقى متبعتـــــهم حتى للتراب
خاطر ديننا ربــي دارلوا قيمـــــة ما قدرولوش وعليهم صعاب
لقاو بلي ديننا ولعقــل و لحكمــة القلب و الواقع كـامل صحاب
ماشي كيما هوما الي كانوا ديمـا يحرّموا استعمال لعقل فلكتاب
أما ديننا فيه شحـال من كلمـــــة الذين يعلمون وأولي الألباب
ويخشـــاو الله عبــادو العُلامـــــا وقراو حاجات لقاوهم صواب
سمعنــا مـــرة بلي لقـــــاو المـــا فوســط البحر صالح للشراب
و البحر المسجور فيه الما يحمى و الجمر من تحتو يلهب لهاب
و زيد الصلاة لقـاو فيــها حكمــة مع الأدرنالين داخل الأعصاب
حتى الصيام ،الوضوء والحجامة حتى لخلاط التسلام والحجاب
لقاو المضرة فالصوالح المحرمة ولقاو فالطاعات الحل الصواب 
و لقاو فالقــرآن كتابة مرقومــة إعجاز فأبواب العلـم والآداب
وصابوا حتى علامات القيامــــة الي مذكورين فالسنة و الكتاب
راهـم يظهروا علامـــة بعلامــــة و درك نحاولوا نعملوا لحساب
الصغرى:
نبداو بالعلامات الصغرى و هوما الأولى القــــرآن ... آخر كتاب
سيدنـا محمــــد تنبعت فالـــخاتمة كــــــآخر نبي فوق هاذ التراب
قال في حديـت بإشارة و كلمـــــة بالصبع لوسط والصبع السباب
قال انا والساعة تنبعتنـــــا كيمــا هاذ الصبع وخوه ديروا لحساب
و ذكر من بين علامات القيامـــة لحفاة العراة الي يرعاو الدواب
يطاولوا في البنيان وفكل حومــة يتنافسوا شكون بنيـانو شباب 
و ذكر تانيت بيــــوت الحــرمـــة لجوامع تتزخرف حتى للمحراب
و تولي الناس ما عندهاش كلمة تضيـــع الامانة و يكتر النصاب
و بين لعلامات لما تشـوف الآمة تولد ربتــــها كي يلحقوا لعقاب
و تولي الطفلة في يدها الحٌكمــة تحكم فيماها و يتبدلوا لحــساب
تكتر الزنا تولي جهـــــراً قايمــة توّلي مبـــــاحة و يكثر الشراب
يشربوا فالنهار مـــاشي فالظلمة راجل ومرا شــــايب او شـــاب
و الخاين لتما تولي عندو قيمـــة والي يقول الحق يتسمى كذاب
وتولي الامور والمنـاصب هايمة واحد ما يكون فلمكان صـواب
تكثر البدعة النـــاس تجيب كلمة تفتي من راسها وتقول ملكتاب
الحرام حلال و الحــلال محرمــة يفتوها ويغروا بيــــــها الشباب
يروح الحيــــاء وتروح الحشمة الراجل يولّي كيفو كيف الــداب
و لمرا لي ّكانت كيما لحمـــــامة تولّي غراب تتمرمد فــــالتراب
كاسيات عاريات لا حيا لا حرمـة لا نيف لا حكمة لا أم لا أب
وذيك الوحدة الي تكون محترمــة يضحكوا عليها كي دارت حجاب
و زيد من بين علامات القيامــــة الفتنة و الحـــرب في كل تراب
تكثر المصالح و تتشتت الامـــــة تكثر الطوائف و يكتروا لحزاب
تروح البركة و تنقص النعمــــــة يكثروا النسا ويزيدوا فلحساب
ويولّوا الحكام شيعتـــــهم زُعمــا و ما يحكمـوش بالسنة ولكتاب
واخر علامة كي يموتوا العُلامــا واكبر العلاما راهم تحت التراب
ما بقالنا غير ندعولهم بالرحمــة الصغار خلاصوا ولكبــار قراب
علاش ما شي نخرجــوا مالظلمة وملدرك نبداو نديروا لحســاب 
و نتوبوا قبل ما تظهر علامـــــة مالعلامات الكبرى و ينغلق الباب 
الكبرى:
أول علامة إمـــــام الأئمـــــــــــة المهـــدي المنتظــــر مفكـــك لحزاب 
وجامع الأمة كـــــامل على كلمة ويحكـــم بالحـــق بـــــالسنة ولكتاب
وثاني علامة لما يبــــــان لعمى المسيـــــــح الدجـــــال لعور الكــذاب
وكان كل نبي جـــــا لكــــــل امة حذرهم منـــو ومن فعــــايلو لصعـاب
يقول أنا رب الجنة وجهنـــــامة انا هو ربكــــــم رب السما والتــراب
يوريلكم جهة خضرا فيـــها الما وجهة فيها النــــــــار وفيـــها لعذاب
ايلا شفت الجنة هاذيك جهنـامة ويلا شفت النار العكـس هو الصواب
يقتلك او يحييك وانت قولو ديما محال تكون ربي وانت ماشي شباب 
لتما يزعف وتبان عليـــــه كلمة مكتوبة فجبيـــنو كفـــــــــــر الكذاب
واذا كنت كافر تولي كيفـو عمى يفتنك أو يغويــــك أو يرميك للعذاب
ويبقى هكــــذاك يفتــــــن فالأمة من مكان لمكــان ويروح وين حاب
الا المدينة ومكــــــة المكــــرمة ما يدخلّهمش ويوقــــــف فالبـــــاب
ولتما تظهــــر ثـــــــالث علامة عيسى عليه السلام من أهل الكتــاب
رافدينوا ملائكة مهبطينو مالسما عالصبح يحط رجليـــه فوق التراب
يفرحوا النصارة وتحكمهم الغمة كي يتبرأ منهم من القــوم الصلاب
يقول أنا نـــازل من خيـــــر أمة أمة الاســــــــلام ماشي أهل الكتاب
انتو الي صلبتوني وتهمتوا يما تهمتوا حتى ربي الرحيـــــم التواب
الي راح يتوب عالامة المسلمة ونتومـــــا يذوقكــــــــــم أشد العقاب
لتم سيدنا عيسى يقتـــــل لعمى المسيح الدجــــــــــــال لعور الكذاب
وينشر الخير وينشـــر الرحمة ودين الاسلام ما يخلّــــي حتى باب
ولتما تظهــــر رابــــــع علامة يظهروا قـــــوم بزاف صعـــــــــاب
يأجوج و مأجوج أكثــــــر أمة يخرجوا مالارض من تحـت التراب
ياكلوا ليابسة ولخضرة والنعمة ياكلـــــوا مجميع حـاجة تنصــــــاب
 ججججج  ججججج  ججججج  ججججج 
الرجوع الى أعلى الصفحة اذهب الى الأسفل
...Minoucha



انثى

تاريخ الميلاد : 25/07/1999

العمر : 17

العمل/الترفيه : الكتابة وقراءة الشعر

تاريخ التسجيل : 04/06/2014

نقاط : 8

عدد المساهمات : 6


مُساهمةموضوع: رد: علامات القيامــــة منقول من قصائد فيصل كروش   الثلاثاء أبريل 21, 2015 7:26 am

شكرا جزيلا
الرجوع الى أعلى الصفحة اذهب الى الأسفل
 
علامات القيامــــة منقول من قصائد فيصل كروش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بسمـة امــــــــل :: .¸¸۝❝ القسم العام ❝۝¸¸. :: °~ـالدردشــة ـاليوميــة~°-
انتقل الى: